ПIатIу ду зкву схаквлагIвчва, сайщчва, сахщчва!

Адуней абаза-апсуа адкIылара «Алашара» мурад хъадата йамапI ayarIa культура ауысла ращтаныкъвара арыбагъьара.

XIapa хIуагIахъа ркультури разакIыри ргIахчари хIазгылапI. ХIызту асквшышв апны хIуагIахъи хIцIаскви гIащаквхуши йгIащаквымхуши знапIылу xIapa хIакIвпI. AyarIa ажважвта йырхIвитI: «Бзита йыруыхваз амгIва абанпара щарда йрыхъвитI», – хIва. XIapa хIацIагылырквын йхIызуыхвуштI хIыбызшва, хIкультура, хIцIасква ргIахчари ртшауацIыхри йырзынарху амгIва. УахьчIвала xIapa хIайщчва уагIахъаква рцри бызшвала йанчважвауа рыцIа-рыцIа ймачIхитI, ауаса хIыбызшва акIвпI xIapa змагIну дуу адырраква хIгIариква йызларахIтуа, ауи акIвпI ламба хацта йгIадзынгылуа абанпараква рапхъанчIвиква йызларпщылугьи. АцIла ащайдза багъьазтын paxIa йымчу апшагьи йгькIанарыхIум. ХIыбызшви хIцIаскви ракIвпI ацIла ащайдза апшта адуней ахъахь йгIасуа апсахра пшаква хIкIадымрыхIауа хIгIащаквызыжьуаш.

Ауыс ахъазла швгвы цхIузтын, талант швымазтын, адырра шIыцква швылашвкIныс швхIазырызтын хIгвып швгIахIылалныс швгIахIрайгвитI.

Ауи асхъан хIуагIахъа ргIахчара йазынарху ауыс дуква шврылазара йахъазымкIва абзазара йапшым анархараквала йакIвшауа анхарагьи швкъару швзалацIуштI: ахIаракьатчпара, аэкономика, ахъатачIв унашвахъцIара, арыпхьара, акультура, аэтнография, аистория, акинематография, агIвырагIацIщтра, ажурналистика, ажвлара уыснкъвгара, аюриспруденция, аспорт, амедицина, агвчIагIвчпара. ЧIвырхъа-чIвырхъамцара швдырраквагьи швымчгьи йрылахIуштI, йапшым ауысква шврызъазахуштI. Апхъахьыла швпахь йгIащтIалуаш алшараквагьи ауацIыхызлуштI. ЙачIвыйа xIapa ауатква ззыхIчпауа, хIфайдата йалу? XIapa ауатква хIгвы рзыцхIауата йхIчпитI, зымгIва рацкIыс йхъадата, файда дута йхIзалуа абаза уагIахъа ргIахчари хIапхъанчIви культура ахацква ргIащаквыжьри ракIвпI. АхIаракьатчпара йгIанагуа ахъахIара хIуагIахъа ртшауацIыхра акврыдзраква йрылахIцIитI. Ауи акIвпI xIapa хачIвытагьи йхIырхъйауа, адкIыларагьи ззыгIанхIыршаз.

Абари ауыс апны xIapa йгIахIцхърагIуштI Анчва йызхIыму азхъацIара, хIхъагвы аквызлара, дзачIв гIвычIвгIвысызлакIгьи йынасып йара йшинапIылу тшазидырра. ХIуагIахъа ртшауацIыхра анархара xIapa-xIapa йхIызпсахуаштI, хIбзазара тшщтIнахра ахъазла ауи анархара амгIва хIзытагылуаштI. АдахIвра ажвгIванд йшгIакIамшвауа хIхъхIымраштылуата багъьата йыгIдырра атахъыпI. ЧхIара змата, йамайчуата йынхауа ракIвпI ауи ззгIайуа. XIapa ацынхара хIазыхIазырта швгIахIрайгвитI, хвду ззыгIбауа хIайщчва, хIахщчва. Швара швыхъазла хIышвква ауралагьи йтIыпI. ШвгIай хIацымгIвайспI хIбзазара атшауацIнарыхри агIащтIыхри рымгIвала. XIapa хIкъраль шпшдзу, йшазакIу зынгьи йшвхъшвымраштылын. ХIкъару алахIцIарыквын хIкъральгьи, хIхъагьи, хIгIакIвзыршауа зымгIвагьи рыцIагьи йхIызрыпшдзуштI!

ПIатIу ду швыквсцIауата,

Абаза-апсуа уагIахъа ртшауацIыхра знархару

а-Дуней адкIылара «Алашара»

а-Президент Эгьзакь Мусса ХIабальа йпа